03.05.2018 Дзæуджыхъæуы «Дом Металлургов»-ы арæзт æрцыд æркаст-конкурс «Ирон дæн æз»-ы кæронбæттæн. Бæрæгбон ацыд рæсугъд æмæ зæрдæмæдзæугæ.Скъоладзаутæ равдыстой сæ фæзминаг зонындзинæдтæ æмæ зæрдиаг арæхст. Бæрæгбоны уæлахиздзауты къæпхæнмæ схыст дыууæ чызджы: Цыколайы 3-æм скъолайы ахуыргæнинаг — Зехъеты Дианæ (ахуыргæнæг — Химилонты Фатимæ) æмæ Црауы астæуккаг скъолайы ахуырдзау Айларты Дианæ (ахуыргæнæг — Челдыты Мæдинæ).
Æркаст конкурсы арæзтады стыр æххуыс бакодта Дзæуджыхъæуы «дом Металлургов»-ы разамонæг — Гуыбиаты Эльбрус.
Скъоладзауты арæхстдзинадæн аргъ кодтой жюрийы ахæм уæнгтæ: Цæгат Ирыстоны паддзахадон университеты филологон факультеты доцент Хозиты Идæ, Солтанты Джульетæ — ахуыргæнджыты зонындзинæдтæ уæлдæргæнæн институты ирон æвзаг æмæ литературæйы хистæр ахуыргæнæг, Томайты Таймураз — Хæххон-агророн университеты доцент, Хабæты Римæ — Республикæйы сывæллæтты сфæлдыстады галуаны методист, Республикæйы сылгоймæгты цæдисы сæрдары хæдивæг -Такъæты Оля.
Конкурс сæ амындæй срæсугъд кодтой Дзæуджыхъæуы 38-æм скъолайы ирон æвзаг æмæ литературæйы ахуыргæнджытæ Мамытты Ранетæ æмæ Хъалаты Маринæ.
