Цæгат Ирыстоны æхсæнадон змæлд «Иудзинад»-ы æркаст-конкурс «Ирон дæн æз» ныр традицийы хуызæн ссис. Рæстæгæй-рæстæгмæ республикæйы районты æмæ сæйраг горæты цы конкурстæ арæзт æрцæуынц, уыдоны æвзонг чыджытæ æмæ лæппутæ сæ хъарутæ фæлварынц ирон æгъдæуттæ æмæ традицитæ хуыздæр зонынæй, мадæлон æвзагыл нывæцæн ныффыссынæй, раздæры фæлтæртæ цæмæй пайда кодтой, уыцы кусæнгæрзты тыххæй аивæй радзурынæй æмæ æндæр хъуыддæгтæй.