Æхсæнадон змæлд «Иудзинад» сарæзта хиконд куклаты равдыст. Бæрæгбон кадджын у æппæт дунейы дæр. Ацы мадзал фæцæуы æрвылаз. Чи йæм æрбацыд, уыдон ма федтой æлыгæй æмæ гæххæттæй конд алыхуызон хъазæнтæ.

Экспонатты автортæ сты хæдахуыр æрмдæснытæ. Куклатæ аразæг къорды разамонæг у Таутиаты Азæ. Кусынц канд национ нæ, фæлæ ма фæсарæйнаг куклатæ аразыныл дæр. Иу саразынæн дзы бахъæуы дыууæ-æртæ мæйы.