Æркаст-конкурсы арæзтадмæ фæкастысты: Дыгуры районы Дур-Дуры хъæуы 1-æм скъолайы ирон æвзаг æмæ литературæйы ахуыргæнæг Туаты Анжелæ, ахуыргæнджытæ æмæ скъоладзаутæ.
Мадзал рауад рæсугъд æмæ зардæисгæ. Барæгбон бирæ циндзинад æрхаста чи йæм бакаст, уыдонæн. Конкурсы архайджытæ-районы скъоладзаутæ- сæхи тынг рæсугъдæй равдыстой, сæ цæттæдзинад дæр уыд тынг хорз.
Конкурсы архайджытæн зæрдиаг арфæ ракодта Фыдыбæстæйы Стыр хæсты архайæг Цалиты Сафарби.
Æркаст-конкурс срæсугъд кодта Хъалабегты Хетæджы ансамбль.
Скъоладзауты арæхстдзинад бæрæг кодтой жюрийы ахæм уæнгтæ: Дыгуры районы ахуырады администрацийы управленийы методикон службæйы сæрдар Зæнджиаты Тиминæ, Æхсæнадон змæлд «Иудзинад»-ы уæнг Токты Володя, Дыгуры 2-æм скъолайы ирон æвзаг æмæ литературæйы ахуыргæнæг Мæрзаты Зæлинæ, Æхсæнадон змæлд «Иудзинад»-ы уæнг Мамытты Тамерлан æмæ Засеты Сослан.
Ерысы тæмæны 1-аг бынат бацахста Зохъоты Сарæ, ахуыргæнæг —Хуыдæлты Ларисæ. 2-аг бынат бацахста — Хынцæгты Дианæ, ахуыргæнæг —Гасынты Анжелæ. 3-аг бынат адих кодтой Туаллæгты Аминæт, ахуыргæнæг — Тъуриты Беллæ; Маряты Миланæ, ахуыргæнæг — Туаты Анжелæ.
