Республикæ Цæгат Ирыстон-Аланийы ирон мыггæгты республикон æхсæнадон змæлд «Иудзинад», Республикæ Цæгат Ирыстон-Аланийы фысджыты Цæдис æмæ «Иры Стыр Ныхас»-ы ирон æвзаг бахъахъхъæнын æмæ ахуырады фарстаты Комитеты хъæппæрисæй 29-æм сентябры байгом поэзийы артдзæст «Малусæг».

«Малусæджы» арæнты æмбæлдзысты æрыгон фысджытæ, кæцытæ поэзийы кæнынц сæ фыццаг къахдзæфтæ, æххуыс та сын кæндзысты РЦИ-Аланийы фысджыты Цæдисы уæнгтæ.

Уымæй уæлдай, ма æрыгон фыссæг фæсивæдæн гæнæн уыдзæнис сæ æмдзæвгæты æмбырдгæнтæ чиныджы хуызы мыхуыры рауадзын.

Поэзийы артдзæст «Малусæджы» сæйраг нысан у, цæмæй алы æрыгон фыссæгæн йæ фыццаг къахдзæфтæ фе’нцондæр æмæ рогдæр уой.