11-æм майы Металлурджы Галуаны æхсæнадон змæлд «Иудзинад»-ы хъæппæрисæй арæзт æрцыд æркаст-конкурс «Ирон дæн æз»-ы кæронбæттæн ерыстæ. Æркасты архайджытæ сты Цæгат Ирыстоны алы районты хуыздæрты хуыздæр чызджытæ. Ацы аз кæронбæттæн ерысты архайдтой 11 чызджы — се’хсæн Хуссар Ирыстоны 6-æм скъолайы ахуырдзау æмæ Лабæйы астæуккаг скъолайы ахуырдзау.

Æркаст-конкурс уыд аив æмæ зæрдæмæдзæугæ ерысдзаутæ равдыстой сæ арæхстдзинад нæ фыдæлты æгъдæуттæ зонындзинады, аивадон курдиат æмæ æцæг æфсинтау куыд арæхсынц ирон хæринæгтæм.

Ерысдзауты арæхстдзинадæн аргъ кодтой:

Такъæты Оля – Цæгат Ирыстон-Аланийы сылгоймæгты советы сæрдары хæдивæг.

Солтанты Джульеттæ – Цæгат Ирыстон-Аланийы ахуыргæнджыты зонындзинæдтæ уæлдæргæнæн институты ирон æвзаг æмæ литературæйы кафедрæйы хистæр ахуыргæнæг-методист.

Цариты Валери –  Цæгат Ирыстон-Аланийы Республикæйы адæмон сфæлдыстады хæдзары директор.

Дзæгъойты Вячеслав – æппæтдунеон æхсæнадон змæлд «Иры Стыр Ныхас»-ы сæрдары хæдивæг.

Догъуызты Лянæ – Республикæ Хуссар Ирыстон-Аланийы ахуырады бæрнон кусæг.

Гæджынаты-Хабæты Риммæ — Цæгат Ирыстон-Аланийы Республикон сывæллæтты сфæлдыстадон галуаны ирон æвзаг æмæ литературæйы хистæр методист.

Мамсыраты Тасолтан – Республикæ Цæгат Ирыстон-Аланийы адæмон артист, жюрийы сæрдар.

Æркаст-конкурсы уæлахиздзаутæ сты:

1-аг бынат — Зæгæлты Дзерассæ (Æрыдоны 1-æм скъола), йæ ахуыргæнæг Лохты Ритæ;

2-аг бынат — Дудайты Изольдæ (Зилгæйы скъола), йæ ахуыргæнæг Сидахъаты Дамирæ;

3-аг бынат — Хъайттаты Миланæ (Цыколайы 2-æм скъола), йæ ахуыргæнæг — Дедегкаты Сафят.