Кувæндæттæ

Ирон адæмыл-иу кæд цыфыддæр рæстæджытæ скодта, уæддæр се 'гъдау нæ фесæфтой. Æххæст æй кодтой. Цыдысты сæ кувæндæттæм. Куывтой Дунескæнæг иунæг кадджын Хуыцаумæ. Фæлæ абоны рæстæг йæхи ивæнтæ кæны. Тæссаг у, нæ фыдæлтæ нæм цы хæзнатæ фæхæццæ кодтой, уыдонæй афтидæй куы аззайæм, уымæй. Иутæ ацы уавæрмæ куыдфæндыйы цæстæй кæсынц, иннæтæн та бон фаг нæу æмæ ма æхсæв дæр сæ мæт се 'ккойы ис. Уыцы иннæтæм хауынц æхсæнадон змæлд «Иудзинад»-ы советы уæнгтæ. Сæ архайд бонæй-бон уæрæхдæр кæны. Дарддæр дæр æмгуыст кæнынц Ирыстоны мыггæгты куырыхон хистæртимæ.